جهوية كروية بين ولاد العاصمة و السواحلية

بعد التصريحات الي سمعناها على لسان معز ادريس و ايدير و شيبوب فانو أمارات الكارثة بدات تضهر واضحة و جلية جماعة تهدد في بعضها علنا شي يركب السكر و زيد لبارح في ماتش مكثر و الفحص المشاهد الفضيعة لي شافوها الناس لكل باش يكون ليها تأثير عكسي بش يزيد يؤجج العنف في الملاعب و لذا نناشد السلط أنو يؤجلو الجولات القادمة أو يكثفو أكثر ما يمكن مالأمن لتفادي الكارثة الي حدوثها أكثر من وشيك و نرجع ديما لكلام ناس قبل الي قالو الهبال وحلة و العقل زريعة ياناس الكرة راهي ترفيه قبل ما تكون انتماءات باهي هالعنف اللفظي في كل ستاد و التقسيم العنصري سواحلية و جنادبة و باجية ......المشكلة هنا أعمق مما تبدو عليه التقسيم هذا مجاش من عدم جا من منطلق أنو سكان العاصمة هوما خير من سكان الريف الا أنو سكان العاصمة أغلبيتهم من الريف لذا يسبو في جماعة المناطق الداخلية و الساحل زعما أحنا خاطينا أحنا ولاد العاصمة . الحل ساهل ياسر نحي الكرة أو الكور بصفة عامة تو تتنسى شوية الجهويات و يقول المثل قص الراس تنشف العروق و بالمناسبة نتمنى حظ سعيد للنادي الأفريقي غدوة أمام الترجي و لعل القادم أفضل و تحيا الرياضة على هيبوكريتس سلاير.كوم

باب اأنترنات و م س ن ولد عايشة

استدعى لكموتة ملك بير الحمراء حشيشة الحكيم و قال له : يا حكيمنا اضرب لي مثل الي كذب كذبة و صدقها فقال حشيشة قد علمت يل لكموتة أدام اله عزك أنه كان بحومة الزاوية فتى يقال له ولد عايشة و هذا و لد عايشة مغروم بالأنفورمتيك و الأدوات الرقمية عاد منحكيلكش السيد انترنات و دنيا و عامل جو يتلشرجي في النهار جيغا ولا اثنين أفلام سلاطة و يغرافيهم و يرقد و منخبيش عليك يا لكموتة العظيم مرة طلبتو في فيلم قالي جيب فلاش ديسك ياخي مشيت لحبيب سلفني فلاش بش منقعدش راجع للدار اي و كان اللي كان و تفرجت في الفيلم أما اش بش نحكيلك شي مفرط ياسر بصراحة كان جاو عنا منهم في بلادنا راهو شطر الشعب آبائهم في الحبس و الشطر اللأخر في الحبس ....عاد ولد عايشة نهار في قهوة المثقفين مبنك يحكي عالبيراتاج و الم س ن و كيفاش تبيراتي و واحد و كل شيء و العباد عاطية وذنيها تقول الدكتور بشير التركي الله يذكرو بالخير يلقي في محاضرة الحاصل الي يكتب في كراسة والي في جريدة و الي على يدو و تفرقو الجماعة كل واحد شد اورديناتور على أمل أنو ينجح في العملية و ما تفطن حد الى أنو قع ضحية لولد عايشة علاش مش هوما هكة و قوات عمار 404 تسكر المواقع لكل وقتها قام الشيخ الجليل قجر و جاب الحل و تحقق النصر المبين علىيديه و الى يومنا هذا مازال شبابنا يبحر و يعبر و يخترق في دفاعات عمار .نرجعو لموضوعنا عاد قالك نهار المسؤول مكونكتي في الم سن جاتو انفيتسيون قبلها و بدا يحكي الراجل و يا ليتو تي هو الي صار مبروك عاد قالك السيد لي حكا معاه متفاهموش مشا المسؤول بلوكاه علاش مش هو مبلوكيه و السيد مازال يحكي ؟؟؟ المسؤول دخل و خرج في الحلة و يخطف ليكرون و يقلو سمالله هبطو فلوس و مشا يجري لولد عايشة يلقاه في الكوجينة مسكر الباب يعمل فاك القضية . ترمى عليه المسؤول و حكالو لي صار لكل ولد عايشة قالو اخطاني راني ضلمة في الأمور هذي و الله خاطيني و سامحني لبرة عندي ما نعمل مشا المسؤول يضرب في الأرض بغير هدى و يرى في كرهبة الشرطة و هنا أحس بعزرائيل يبتسم ابتسلمته الشهيرة : هاو باش ان...أمك ارتعدت فرائصه ثم اعتدل و مشى للدار و من غدوى نسا لحكايه . هذا يا لكموتة العظيم حال الي يطمع العباد و يخليها بيهم و نعرف الي انت مفهمت شي كالعادة فانتفض لكموتة مربربا قائلا كلاما لا يصح قوله ههنا

باب القطوس و بوكشاش و ولد صالحة

قال لكموتة ملك الفرنجة يا حشيشة فاضرب لنا مثل الذي تقوى على بدنو فأكل ما أكل الطبل نهار العيد فقال حشيشة هل علمتم بخبر ولد صالحة فرد لكموتة متعجبا منك نسمع تره أحكيلنا ؟ قال حشيشة يعيش في أرض تربنز واحد كلوشار يقال له ولد صالحة و صالحة هي المرأة الي رباتو قلك نهار قينت عليه ولد صالحة مفماش فلوس و دخان و بدا الجوع يدغدغلو في مصارنو قال نمشي ناكل حاجة هد عالكسكروتاجي متع الحومة قالو وحيد كفتاجي أي خاف مالمشاكل رجل يخدم على روحو قالو أي ولد صالحة هاو كسكروت ومنا يصيح لكموتة غاضبا : صح لر..كان جا لهنا راني ن...و ز.أ.و ...... فقال حشيشة : أي عاد ولد صالحة كلا الكسكروت و مشا يعمل في دورة هو هكاك و عرضوا تاجر متجول حب يقدموا في بض القطعة مشا قالوا وريني اش عندك قالوا عندي قطاطس ؟؟؟ ولد صالحة فشل تقول صبيت عليه سطل ماء بارد غزر قال بلحرام لما نقدما في قطوس و مرة أخرى ينتفض لكموتة على كرسيه : أز...حتي ر.القطاطس مش مسيب ...ر أ..هم واصل حشيشة و قال عاد ولد صالحة بعد ما سرق القطوس مشا ركش بعيد عالحاكم و يقلك المثل لكل جواد كبوة التاجر الجوال طلع سحار مقطر من…الكلاب قعد يتبع في ولد صالحة حتى لقاه و عملو طلامس ردو بوكشاش . كيف فاق ولد صالحة الي هو ولى بوكشاش حب يهرب هو تحرك من بلاصتو و يترمى عليه القطوس كلاه فقال لكموتة اخيييت ن..ها أمها الحكاية فقال حشيشة الحكيم هذا مثل الذي تقوى على بدنو فت…أمو

التافه الحقير

http://www.blogger.com/comment.g?blogID=6805984664016785157&postID=7741988009390157614&isPopup=true



كيف تحل الرابط هذا تلقى تعليق باسم واحد تافه و حقير اي نعم . تافه و حقير في الحقيقة متعطيهش حقوا بصراحة لأنوا أبدع في الحقارة و التفاهة , واحد يقول ربي جندوبي ؟؟؟؟ والعياذ بالله هو كان قال ربي من هولندا راني سبيتو أما تسولوا نفسه العاهرة بش يقول ربي جندوبي كلا و ألف كلا ...رغم أني منيش براتيكن أما كي نسمع كلام كيف هذا يقشعر بدني و تلعب علي الصفرة و نضبب عالكريستال و نتفكر عنترة كي قال مكر مفر كجلمود صخر حطه حشيشة من عل و نقول لهل الشخص حاجة برك :

ألا أيها التافه الحقير انك ساب ربك سبا فملاقيه
والتدع داعيك سيدع لك الزبانية

يوم الأرض

كل عام و كوكبنا بخير كان خلاونا ولاد لحرام

22 avril

الحقيقة المرة

واقع أليم في مجتمع شهواني

ّّهل أصبحت المرأة مجرد مصدر للمتعة؟
هل أصبح تحرير المرأة عبئا عليها؟

هل المرأة اليوم مجرد هدف و ليس شريكا للمستقبل؟

للأسف الأجابة هي نعم .وربما من الأسباب التي تجعل هذه الظاهرة متفشية أن الشريحة الكبرى في مجتمعنا هي شباب في سن الدراسة و سن المراهقة اذن فكل ما نراه في الشارع التونسي من عنف لفظي هو نتيجة للتركيبة العمرية للمجتمع .باعتبار أن المراهقين و الشباب هم الأغلبية فيجب أن يكونوا هم أصل الداء و لسائل أن يتسائل كيف؟ الشاب في فترة المراهقة يبحث عن فرض ذاته و هويته و فرض الهوية لا يمر هر الكرام بل هو صراع في اطار التواصل مع الهويات الأخرى و التي تمثل كل أفراد المحيط الذي ينتمي اليه المراهق اذن فالكلام البذيء و مشاكسة الفتيات و خاصة الجميلات منهن ليس من باب قلة الأدب بل يندرج في اطار تكون شخصية الشاب أو الشابة و حتى عند الفتيات فالأمر سيان الا أن الأختلاف هو في الكيفية فالفتيات لا شعوريا يهتممن بجمالهن و أناقتهن اما لجلب النظر اليهن أو ليكن في مثل تبرج صديقاتهن ربما لهذا السبب نقول الجنس اللطيف فحتى في صراعاتهن لا نرى ما نراه عند الجنس الأخر و هو بحق الجنس العنيف

الثورة الأفتراضية

للأسباب المعروفة و الجلية قررنا الانسلاخ عن مدونة النورمال لاند الأننا نؤمن بحرية الفكر و التعبير و عدم الانحياز للأشخاص مهما كانت مكانتها أو مدونتها لأننا نعطي ما لقيصر لقيصر و ما لله لله ربما أفكارنا لا تعجب البعض الا أننا لا نصبو الى ارضاء أحد مهما كان اسمه أو منصبه . واننا ماضون فيما نحن فيه ايمانا منا بأهمية العمل و المثابرة و تجسيدا للعناية الموصولة والسياسة الحكيمة التي نتبعها في حوارنا مع من لا تعجبهم أفكارنا و آخر دعوانا أن الحمد لله أن هدانا و ما كنا لنهتدي لولا أن هدانا اللهم لك الحمد

égale à :

TERRORISME

Quand il faut pas être démocrate!!!!

UGET c'est le parti des étudiants traitre tunisiens qui sont payés par des puissances extérieures qui n'aiment pas ce que est devenue la tunisie aujourd'hui , ils ont implanté ses gents là pour détruire tous ce que le peuple tunisien à pu achever en 50 ans d'indépendance . On pourra jamais comprendre cette haine mais aussi ce complot de nos jeunes étudiants dont la plupart sont éblouis par les principes et les vertus de ce parti politiques qui vise non pa le mieux pour la tunisie mais pour ces leaders .

باب الأسد والثعلب و مالك الحزين و أم الصبيان

قالك فم أسد اما مهوش ملك الغابة و ما يملك في الدنيا كان اللسان الطويل لم معاه كمشة مثقفين و يحكيلهم عالديمقراطية و حرية التعبير و الجماعة تبعوه ولاو كيفو يمنو بالحرية و يقولو بالديمقراطية .علاش موش هوما هكة و جاهم مالك الحزين عجبتو الفكرة و يحب يمارس الحرية و الديمقراطية اي الجماعة ما كانوش مالعاكسين و فرحو بيه الي عطاه نومروه والي عطاه م س ن متاعو و عمك مالك الحزين عامل جو بالديمقراطية اي عاد الي موش موالف بالبخور تتحرق حوايجو قام عمك الثعلب قال راهو البهيم عامل معانا الدوانة يلزم نشوفولو حل الصيد قال نشنو عليه حملة لكلنا و كان كذلك . اي مالك الحزين ول يدون و يهبط في البوست في جرة خوه و الثعلب ساعة ساعة يعمل عليه طلة و يبدا يشكر فيه و يكبرلو في راسو عاد نهار ام الصبيان فدت على مالك الحزين قتلو سيب البهيم و شبيك هكة عامل و لحمت حاصيلو . مشا مالك الحزين يشكي للثعلب و قالو انصحني قالو لي و ليك ربي دبر راسك مع ام الصبيان راهي صحبة مع الصيد و البهيم بر اطلب السماح و اخطانا مالمشاكل مشا مالك الحزين طلب السماح . الجماعة لكل تقلبت على مالك الحزين الي ميهزش عليه التليفون ولي مبلوكيه ولي نحاه مالمدونة متاعو حصيلو ....مالك الحزين ملقاش بيها وين مشا سبهم لكل في المدونة متاعو ولخلى لبقى فيهم و خلاهم ضحكة . العبرة مالحكاية انه
*الي فاقد الشيء لا يعطيه
*ميمونة تعرف ربي و ربي يعرف ميمونة
*الي فيه طبة ما تتخبه
النعجة تتفخر بلية العلوش*