الحبيب الأمة

عاد نتفرج في الأخبار التعيسة متاع قناة عربية غبية (جماعة الكشاطي) ويحكيو عالقضية اي نعم القضية الفلسطينية .والله هو الكذب حرام اما انا بصراحة ما عادش نحب نسمعها هالحكاية متاع حماس و فتح و شهداء الأقصى خاطر شي يوجع القلب . اي مرجوع الحديث اش نوة الحل ؟ ايمالا يا سيدي الحل جابو بورقيبة قالولو خائن و عميل و اللهم لا شماتة اليوم فلسطين ربع خونة و ربع عملاء و ربع يضربوا عالجهتين والي يفيقوا بيه يفجر روحو زعمة شهيد . الحاصل بورقيبة كيف شاف اسرائيل و أمريكا حبيبات عرفها الحكاية موش لعب و يلزمها تخديم مخ اما الله غالب العرب لا يخدموا أمخاخهم و لا يخليوا شكون يخمم عليهم الا في الريق البارد بالطبيعة هذاك علاش المصاروة و الكشاطي ميحبوناش و الأمريكان يحترمونا خاطر مازال في هذه الأمة من له عقل يعمل و فمة كلمة مهمة برشة قالها الفاضل الجعايبي قال أحنا نحبوا ولا نكرهو فلتة من فلتات الزمن هو كلامو مهوش غالط اما المشكلة كيف ما يقولو في الكورة يلزمنا نمنو بحضوضنا و انشاء الله زينة