من أجل غد أفضل...... ؟

في الدستور أول صفحة : تونس دولة عربية نظامها جمهوري دينها الأسلام لغتها العربية الخ ...الحاجة الباهية في الفقرة هذي فمة نقطة تنجم تعود بالنفع على وزارة المالية يقول القايل كيفاش ؟ الدستور يقول تونس دولة دينها الأسلام معناها أغلبية التوانسة مسلمين و غير المسلمين هوما المسيحيين و اليهود و الائيكيين . وهنا نتوجه للسيد وزير المالية علاش في الجلسة القادمة متاع مجلس النواب منطرحوش مشروع قانون الجزية ؟ الجزية هي أداء يدفعوه الغير مسلمين للدولة و هذا مشروع واعد لأنا لاحضنا في المدة الأخيرة كثرت الحركات الألحادية و بدا تاخذ في صدى في صفوف تلامذة الباكالوريا و الي تشكل شريحة لا باس بيها مالمجتمع و الي تنجم تأثر على شرائح ما أهم بمرور الزمن و هكة نجمو نغطيو المصاريف الهائلة الي تصرفها الدولة في تدعيم المحروقات و المواد الأساسية و نواصلو مسيرة التنمية و بناء الدولة الحديثة . أما تخاف من أصحاب الديانات الأخرى و الملحدين ليدورو في الحياصة و يعتنقو الأسلام هربا من الجزية خاطر هوما الأغلبية متاعهم يعاندو و برة الي مهوش يقتدي بزميل في الدراسة ولا في العمل راهو معجب بفيلسوف ولا بمفكر . لهنا نحب نلفت نظر السيد وزير المالية و بالتشاور مع السيد وزير الداخلية والجماعات المحلية كل مواطن تونسي نسجلو في بطاقة تعريف متاعو شنوة انتمائو العقائدي و هكاكة الغير مسلمين كيف يحبو يدخلو لللأسلام نربحو الوقت قبل ما يهربو والجزية 3 و لا 4 سنين قضية في المحكمة و شهرين ولا 3 في قائمة الأنتظار متاع فضيلة المفتي . و هكة نكونو ضربنا عصفورين بحجرة و فيما يتعلق بقضية قفصة علاش وزارة الفلاحة متعملش بالتعاون مع فلاحي الجهة مشروع زراعات كبرى يزرعو حتى غرت و يحشوه بالمنجل لتشغيل أكثر ما يمكن من الشباب العاطل عن العمل يخلصوهم 4 دينارات في النهار و يتكفل الجيش الوطني بالدخان و الكسكروتات كفتاجي و الشركة التونسية لتوزيع و استغلال المياه توفر الكوكا كولا في الحنفيات هكة نكونو حلينا أكثر من شطر مشاكل الميزانية الى الأبد

عاشور الناجي .....مرة أخرى

و اذا أصابتكم مصيبة قولو انا لله و انا اليه راجعون

هذا سي عاشور الناجي ملحد و ماخذها وفقة احنا صحيح ضد التطرف و السلفية و المذاهب الأرهابية على اختلاف أنواعها و لكنا نرفضو رفضا باتا التطرف اللائيكي تحب تعبر على كفرك و فجورك عبر و خوذ راحتك اما في حدود المعقول خاطر و صلت لحد ما يسمحش باش واحد يسكت عليك وانت يا سي عاشور سبيت الجلالة انا توة نجم نكلملك عمار 404 يعملك عقلة عالمدونة متاعك و يحشيك في الحبس اما بما انك و اعوانك في ظلمات تعمهون الا من رحم ربي .برة خليك امضي قدما فيما انت فيه عالأقل متبردش علينا جهنم في الشتاء ندافاو بيك و بعماد حبيب و زميلكم ابليس و دحدوحة و ما الى ذلك من بؤر الكفر و الضلالة .اما بعبوص الكلب عمرو ما يتصاوب انا كيف سمعت حكاية الجنادبة الي خذاو في خاطرهم من ربي ياخي ضربو السماء بالحجر نعذرك انتي و أمثالك الي تنقادو وراء كتاب الفلسفة متاع الباكالوريا وانتم ما فاهمين منو شي و المثل يقول الجهل مصيبة صحيح مصيبة عظيمة . نيتشة خاطيه مسكين يحكي عالأخلاق و المدينة الفاضلة و موت الأله هو صورة مجازية لموت الأخلاق و القيم ظاهر فيكم مقريتوش بلاغة في الخامسة ثانوي مضاع شي اقراوها في تعليم الكبار و تو يحفظولكم زادة سورة الكافرون بش تعرفو شنية قيمتكم عند ربي الي انتم تسبو فيه . اخزرو لزعيمكم ابليس كيفاش صار فيه اهاوكة ذليل نهار و طولو و هو يلوج عالأشباه العباد بش يوسوسلهم انتي عاشور اتعس من ابليس عالأقل هو اعلى منك في الرتبة و هو الي يسير فيك وانتي ما رميت اذ رميت اما هذيكة سنة الحياة

ربنا لا تؤاخذنا ان نسينا أو أخظئنا
و لا تحمل علينا اصرا كما حملته على الذين من قبلنا
و لا تحملنا ما لا طاقة لنا به
واعف عنا و اغفر لنا وارحمنا
أنت مولانا فانصرنا على القوم الكافرين
آمين يارب العالمين

باب فرنسا و الجنسية الفرنسية و ولاد البلاد

تربع لكموتة ملك بير الحمراء على عرشه و سأل الحكيم حشيشة قائلا : ما أبغض الأشياء عندك يا حكيم ؟ سكت حشيشة برهة ثم أجاب أبغضها و أشدها مقتا هي فرنسا نعجب لكموتة من هذا الجواب فقال كيف تزعم أنك تمقت فرنسا و قد حرقت اليها عديد المرات فتنهد حشيشة مجيبا لا يا لكموتة اني مقتي لفرنسا وليد مصيبة ألمت بي ... انتفض لكموتة على عرشه و صاح شبيك ما قلتش بالحرام لما نلملهم جيش أوله عندي و آخره بين عينين ساركو و أدك باريس دكا لا تبنى من بعده أبدا فأجاب حشيشة ألم يأتك خبر أخي جون ميشال فقال لكموتة و كيف كان خبره قال لقد كان أخي هذا طيب الأخلاق هادئ الطباع و كان يحب فتاة و تبادله الأخرى نفس الشعور و ما كان يعكر صفو علاقتهما الا قريب للفتاة نجح في الحرقة الى فرنسا و كون ثروة من السرقة و بيع المخدرات و تجارة القحاب و كان هذا الأخير يمني نفسه بالزواج من الفتاة و اسمها سوزان . لما علم جون ميشال بأمر غريمه استشاط غضبا و قرر أن يعمل و يدخر الأموال حتى يفوز برضى والدة سوزان التي ترى أنه من العقل و حسن التدبير أن تهاجر ابنتها الى فرنسا حتى تضمن مستقبلها . و لما اقتنى جون ميشال سيارة و منزلا بعد أن عرالنا رؤوسنا و بيعنا في كل ما نملكو و طلب يد سوزان للزواج كان الرد بالرفض البات و الغير قابل للمراجعة تحت أي ظرف من الظروف رغم محاولات سوزان و الجيران . انا كي وصلني الخبر ما صدقتش اما بش نشوف الدنيا كيفاش ولات عمدك برشة فلوس حتى ولو سارقهم يفرحو بيك و يعطيوك بنتهم كان معندكش و انتي على مستوى عالي وولد عائلة يقولولك سامحنا معندناش بنات للعرس ..... حصيلو ما نطولش عليك الحكاية جون ميشال هبل و سوزان شنقت روحها و السيد الي حب يعرس بيها مات مقتول بعيار ناري في راسو بعد ما قلب المافيا في مليار و شوية . هذا الكل خاطر جون ميشال متوسط الحال و مهوش ياكل في الكافيار و يلبس في الرولكس و يسوق في مرسيدس شفت الدنيا كيفاش ؟؟ و يقولك متخلفين أشكون في العالم يصرف كيفنا على عرس كان المصروف الي بعد كتبان الصداق الكل يتجمل يكفي الراجل و مرتو 5 ولا 6 سنين .....بلادنا باهية و خير من 100000 بلاد اخرى اما احنا مخاخنا مصددة و لتو ضحية الجشع متاعنا فرنسا كان جات تنفع راهي نفعت ولادها واحنا كان جينا نصلحو رانا صلحنا لبلادنا و الي يعمل يلقى . سالت دمعة حارة على خد لكموتة ثم قال كان جات الدنيا دنيا ميعطي حد بنتو لغبار ولا سارق ولا ماكرو أما الفلوس عمات العباد هذي هي اخرتنا عبيد لوسخ دار الدنيا و ياله من وسخ

من هو عاشور الناجي ؟

عاشور الناجي هو كرارطي من الذاكرة الشعبية المصرية أما عاشور الناجي هذا فهو جعداري و متسؤلونيش شنوة معناها خاطر منعرفش الحاصل سبب عركتو مع الأله قالك سي الناجي كان مصلي و تقي و ورع مالدار للجامع و مالجامع للدار حتى الخدمة بطلها الصلاة و ما قالت الناس لين ولا ساعات يحس بروحو ولا من الصالحين . نهار قالك قام صلى الصبح حاضر في الجامع و روح اتكى عالفرش و غمض عينيه و را منام : جاه جبريل قالو راهو بقرار سامي بش تولي انتي نبي و بش تبث الدعوة .... سي الناجي موش مصدق قالو موش سيدنا محمد آخر الأنبياء ؟ قالو جبريل ماو نقحنا الدستور و بش تولي انتي خاتم المرسلين قالو الناجي اي كيفاش نعمل ؟ غزرلو جبريل قالو برة للبيبلينات اعمل بلوغ و بث الدعوة عالأنترنت . أي سي الناجي قام فرحان صلى ركعتين لنية التوفيق و

لبس حوايجو و تم خارج هو هكاكة و تفكر الي معندوش فلوس بش يكونكتي

اي رجع للدار و قعد يخمم لين هزو النوم .... عاود جاه جبريل في المنام قالو تي قوم برة انشر الدعوة شبيك راقد قالو معنديش فلوس ابعثولي ماندة نلقى باش نمول الحملة غزرلو جبريل قالو راهي هالأيامات طايحة بينا اتصرف انتي تو نرجعولك و قام الناجي مشا لجارو تسلف خمسة دينارات حتى لراس الشهر و مشا عمل بلوغ و تم مروح . أي السيد اقتنع الي هو نبي و عمل جو في مخو و قال انا توة انجم نعمل معجزات كيف زملائي تره نجرب مشا طلع فوق السطح و نقز ياخي طاح يدو تكسرت رساطلو بايت في القصاب. في الليل عاود جاه جبريل في المنام يطل عليه جابلو 4 كعبات ياغرط دليس دانون في ساشي بيضة ممنوعين الساشيات لكحل لفوق زادة , قالو لباس عليك يا ولدي؟ سي الناجي تنرفز قالو تقولي نبي جيت بش نطير شوية شعرة لكسرت راسي ...قالو جبريل عاد قبل ما تستعمل أوبسيون ماو أكتيفيها قبل كلم الرقم الأخضر و تبع الموزع الصوتي .....اي سي الناجي خرج مالقصاب يدو في جبيرة منرفز و مقهور مشا روح شد التليفون طلب الرقم الأخضر هو بدا يتكلم و الكارطة بو عشرة الي صبها وفات لقد استنفدتم رصيدكم الرجاء.....قال معادش فيها يلزم نشوف حل مشا عطاها صحفة لبلابي و كاس رايب و روح خمر بالنوم . جاهش سي جبريل كالعادة قالو اي وين وصلت في الدعوة سي الناجي قالو برجولية راني و صلت توة متسلف 500 دينار و معادش انجم نزيد و راني مصحح على كمبالات و خايف لترصيلي في قلبو قالو لا متخافش أتو نشوفلك أمين المال يتصرفلك في منحة مستعجلة بعد 3 أيام قام سي الناجي الصباح يلقى جواب مسكر تحت المخدة فرح قال الماندة وصلت . حل الجواب يلقى فيه ورقة مكتوب عليها منحة تنقل و 2500 فرنك مفهم شي حصيلو قعد شادد راصو و الوجايع تهز و تجيب لين غلبو النوم رقد . هو غمض عينيه من هنا و جبريل جاه عجاجة قالو برص أمك صاحبي عندكشي حق أبيل ... سي الناجي معادش فيه مشا سب جبريل لا خلالو لا بقالو و قام منرفز طلع للسطح و يضرب في السماء بالحجر و يصيح أنا نبي تتمنيكو علي عامليني تكركيرة ...و جات الأسعاف متاع الرازي هزتو بعد ما شكاو الجيران . عدى سي الناجي قريب العام في منوبة و كي خرج جاه استدعاء مالمحكمة ,الجماعة لي تسلف من عندهم فلوس شكاو بيه و تحكم بخمسة شهور حبس . الراجل عدى الخمسة شهور حلو و مر و خرج مستهوش جملة لا ربي لا محمد قالك معادش مستعرف بحد حتى من البابة متاع يدو ليمين قصو بش معادش يشهد . و زاد بدل البلوغ متاعو ولا يسب في ربي و في جبريل هذا هو باختصار شديد سي عاشور الناجي

الجزار يعظم عالمراقزي ؟؟؟

بعد 60 سنة مازالت فلسطين تتخبط في أيدي الأحتلال الأسرائيلي ّشي يوجع القلب و هذا الكل من مخلفات الدولة العثمانية و الأنتداب البريطاني و الحماية الفرنسية . القوى الأستعمارية خلفت وراها الجهل و التخلف و الرجعية . في فلسطين مثلا أسباب فشل المقاومة في انتزاع الأستقلال هي أنو الفلسطينيين حبو يخرجو اسرائيل في نهار و كان ذلك ممكن لولا تدخل القوى العظمى المهم الي في وضعية كيف هكة يلزم الواحد يتوخى سياسة المراحل كيف ما قال الزعيم الراحل الحبيب بورقيبة أما عاد النخوة العربية و هات ماكلاوي الجماعة في بالهم اليهود وحهم و ماعندهم حد ياخي فرنسا و أمريكا و الدنيا لكل جات معاهم و اليوم المشكل زاد تفاقم بما أنو الحركات السياسية في فلسطين تتقاتل بعد ما مات ياسر عرفات تفككت المقاومة و ظهرت النوايا المبيتة على أرض الواقع جماعة فتح و حماس : جماعة حققو البرنامج القذر متاعهم و جماعة تلم في القذارة و تستنى في الفرصة بش توصل للسلطة و تحقق مآربها و يسبو في بعضهم و يتبادلو في التهم و قعدو فضيحة في العالم الكل . الأعانات و الهبات تاخذ فيهم السلطة مليارات الدولارات ماشين في الكراهب و الفيلات متاع فتح و السلاح و الذخيرة متاع حماس و هوما ما همش فاهمين الي كان يصرفو الفلوس هذي على الشعب و يوحدو صفوفهم حتى أمريكا يغلبوها أنا نتمنا فلسطين تتحرر و تولي دولة عاصمتها القدس أما في قرارة نفسي نعرف الي هذا يكاد يكون معجزة لا يزي الفلسطينين مش متفاهمين لا
يزي الدول المجاورة تتهرب مالأحراج و خايفة لتاكل كف من عند أسيادها والي زاد أنو المجتمع الدولي مساند للقضية الأسرائيلية و موش مستعرف بفلسطين جملة تي الحاصل ميزيريا في هالعالم

يا باكيا على الحرية

الى السيد الي ينوح عالحرية
أنا منحبش نكون حاد برشة و نعمل الدوانة مع العباد أما برجولية و يقال أيضا برجوكبدة راك كثرت . توة تطالب بالحرية و انتي مخك يتخبط في الأستعمار العاطفي متاع الناس الي تعتبرهم قدوتك لين وليت الخيال متاعهم أكثر من هكة كتاباتك مربوطة بكتاباتهم كي نقرا أرتيكل متاع حد منهم نعرفك انتي علاش بش تحكي عيش خويا خوذ انتي حريتك الفكرية و سيب عليك منهم الجماعة راهم حكايتهم فارغة و تبع الصحاح كما قال الفنان الكبير الهادي حبوبة

اذا عطاك العاطي لا تشاطي و لا تباطي

HISTOIRE DE SE MARRER !!

Unknown Woman:]
I fuck you because you're famous.
I fuck you for your money.
I fuck you to control you.
I fuck you so somebody I can have half of everything you own.
I fuck you to fuck you over.
I fuck you 'til I find someone better.
I fuck you in secret.
I fuck you because I can't remember if I already fucked you before.
I fuck you out of boredom.
I fuck you because I can't feel it anyway.
I fuck you to make the pain go away.

[Manson:]
Fuck you because I loved you
Fuck you for loving you too
I don't need a reason to hate you the way I do.
Fuck you because I loved you
Fuck you for loving you too
I don't need a reason to hate you the way I do.
HATE YOU THE WAY I DO.

[Unknown Woman:]
I fuck you so I can feel something instead of nothing at all.
I fuck you because you're beautiful.
I fuck you because you're my nigger.
I fuck you because I am your whore.
I fuck you because you are a whore.
I fuck you for fun.
I fuck you for fun.
I fuck you because I can.
I fuck you so I have a place to stay.
I fuck you so you will protect me.

وصيتي

أي بني
عندما تقرأ وصيتي هذه أكون أنا قد قطعت الى سويسرا
لا تلعني و لا تسبني و قل في قولا كريما
أي بني
أنا خدمت و تعبت و قريت و شقيت و ما حصلت شيء
لذا قررت بش نسرق 600 مليار و نهرب
عيش ولدي كان واحد عايرك و قالك بوك سارق
احقرو
خاطر مفماش حد مسرقش لكلنا سرقنا
ولي يقلك مسرقتش يكذب
أكبر سارق هي التيليكوم
ولي بعدها لوناس
والستاغ
بره يراهم وين يقبلو يتسرقو
أي بني
أقرا على روحك
كل شهر نبعثلك مصروفك
و في الصيف تجي لسويسراتتخلع
و كي تنجح في الباك ناخذلك سويسرية بلند ة
و نشريلك لمبورقيني ولا فراري
عيش ولدي نحبك راجل
متقولش بابا عندو برشة فلوس
انا كيف لقيت ضربة مفلتش
انت يلزمك تستنى ضربتك نحبك فايق عيش ولدي
و ما يعديها عليك حد
وقتنا صعيب و يخوف
كل واحد شيطانو في جيبو
تبع كلامي عيش ولدي واخطاك مالتربية الأسلامية
و البرامج الدينية
مولاها ربي كان جات جات
مجاتش عص...ليها
عيش ولدي رد بالك تتكيف
راهو سقوط صافي
تحب تشرب ميسالش قلي بابا حارن على كعبات بيرة
اما عيش ولدي رد بالك مالدخان
و خاصة الزطول عيش ولدي
الفلوس بول عليها أما صحتك عيش ولدي
و رد بالك مالبنات
تمشيش تطيح بيك وحدة طامعة فيك
تعملك بزولة
و ترصيلك تصرف عليها و على صحابها
شيخلها في كرها و لوح
الجديد يا رابح
عيش ولدي اسمع كلامي راني نحب مصلحتك
بش تعدي عويمين في البلاد
خوذلي الباك حتى بالأسعاف
و تو تشوف الحفلة لي نعملهالك
عيش ولدي
اسمع كلامي و متسمعش كلام أمك
المثل يقول
لا تسمع كلام المراو لا المهبول
اذا برا

أي بني

باب الحلوف و ضبوط القردة

قام لكموتة ملك بير الحمراء وريث عرش المغفور له التشي الملقب برق الليل من مجلسه قلقا و في خوالجه سؤال يؤرقه و ما لبث الا أن أرسل في طلب حشيشة الحكيم الذي حضر معجلا خوفا من غضب حاكمه . ولما وصل تلقاه لكموتة مهللا و قال أين أنت يا رجل ؟ اسمع في خاطري يجول سؤال يؤرقني : وين جات ضبوط القردة ؟ اندهش حشيشة الحكيم من سؤال لكموتة و طأطأ رأسه مفكرا ثم قال هل أتاك خبر الحلوف الذي سب ملك جرزونة المناضلة و الله أكبر ؟ يقال أنه كان بجرزونة ملك كريم طيب الصفات قليل العيوب و العاهات و كان لهذا الملك من الخصوم عدد لا يستهان به و يطلق عليهم النبارة و هؤلاء النبارة يا لكموتة أبقاك الله لا هم لهم الا شتم الملوك و أصحاب النفوذ الناجحين منهم و الفاشلين على حد السواء و فيهم نبار معروف عند الجميع في جرزونة يقال له حلوف و في رواية أخرى للمدون تيتوف قال جربوع و كان هذا الحلوف ماضيا في فجوره و قحبه غير راجع و لا نادم فلما اشتد به القحب خرج على الناس في السوق يهجو الملك و حاشيته و أتباعه غير غافل عن أحدهم معددا مساوئهم و مارتكبو من فضائع في البلاد فلما سمع أحد القوادة حديث الحلوف أسرع الى مركز الحرس فلم يجد أحدا فرأى أن يذهب الى المعتمد لعله يستجيب لندائه و يسجل اسمه فلما بلغه استقبله المعتمد و سمع منه ثم أجرى اتصالاته مع الجهة المختصة التي ما كان منها الا أن أرسلت جبابرة لا يقل طول الواحد عن مترين ووزنه عن المائة و الخمسين و لما وصل ركبهم تفرقت الحشود و وقف الحلوف وحيدا وسط العمالقة يقال أنهم من قوم عاد وفي رواية أخرى مصنوعين في لبوراتوار , خر الحلوف مغما عليه بعد أن بصق عليه عمارة و هو رابع العمالقة و أقلهم ضخامة و الثالث عمر و الثاني عامر و قائدهم عمار الشهير بعمار 404 و هي فرقة خاصة تقوم بمهمات سرية يروى أنها قتلت يوحنا بولس الثاني بابا الفاتيكان اثر اعلان خبر دخوله دين الصعاليك .

وسارت كتيبة الموت بالحلوف الى مقرها حيث أوثقته كما لم يوثق أحد و عذبته كما لم يعذب أحد حتى أقسم بأغلظ الأيمان أن لا يعود الى ما كان فيه و ما أن بارح السجن حتى قصد سفارة ضبوط القردة طالبا الفيزا و لكن نظرا لسوء سلوكه و البطاقة عدد 3 تم رفض مطلبه فاشترى بدون جفال و 100 غرام جبن أحمر و كلاهم بالشفاء . و لكن القدر أبى الا أن يزيد في شقائه فالجفال طلع مغشوش و الجبن فاسد الأمر الي أنقذو ون التسمم فلما سمع سفير ضبوط القردة بالحادثة رأف بحاله و منحه الفيزا على رحمة الوالدين . و ضبوط القردة هي بلاد صغيرة في المحيط الأطلسي ولا هو الهادي , و قيلا المحيط الهندي و هنا صاح لكموتة : و اله مني انا اللي نعيطلك , ساعة وانتي تخرف و ماعطيتني صرف من عدل ,كان مشيت عملت بحث في القوقل خير ملي نضيع في وقتي معاك و هنا طلعلو الدم فطاح ما في عينو بلة

باب البورتابل و الماكرو و المومس العمياء

قام لكموتة العظيم مفجوعا و قد رأى كوشمارا فنادى حشيشة الحكيم يا حشيشة اجريلي راني شفت منام غريب و عجيب فأجاب حشيشة قائلا بش يجي أغرب مالأرتيكل لي قريتو الصباح . لكموتة همزو حب الأطلاع و قال هات أقرالي شفنا يبهت بالكشي ننسى الحلم متاعي ياخي حشيشة الحكيم شد الجريدة وبدا يقرى

إتهام تونسي بمواقعة فتاة وإفقادها بكارتها عن بُعد

ينظر القضاء التونسي في قضية غير مسبوقة، تتعلق بتوجيه تهمة لشاب بمواقعة أنثى وإفقادها لبكارتها عن بعد، أي عبر الهاتف الجوال.وبحسب صحيفة الصريح التونسية، فإن هذه القضية الغريبة تنظر فيها حاليا الدائرة الجناحية في المحكمة الإبتدائية في مدينة سوسة برئاسة القاضي كمال برقاش، وتترافع فيها المحامية مها مطيبع، وتتعلق بشكوى تقدم أفراد عائلة تونسية تتهم فيها شاباً باغتصاب إبنتهم البالغة من العمر 20 عاما، وذلك بعدما أكد تقرير الطب الشرعي أنها فقدت عذريتها حديثا.غير أن الشاب، البالغ من العمر ثلاثين عاماً نفى أن يكون لمس الفتاة أو واقعها، ولكنه اعترف بأنهما كانا يجريان اتصالات ساخنة ومطولة عبر الهاتف الجوال.

وأضاف في اعترافاته أنه انتبه ذات مرة بينما كان في قمة انسجامه وتواصله الحسي مع الفتاة المذكورة عبر الهاتف الجوال، إلى صراخها، لتبلغه بعد ذلك بأن قطرات دم سالت منها وهي منسجمة معه عبر الهاتف.
ورجحت المحامية فرضية أن تكون الفتاة قد فقدت بكارتها أثناء ذلك الإنسجام، باعتبار أن تقرير الطبيب الشرعي يؤكد عدم تعرض الفتاة المذكورة لأي إعتداء جنسي، ما يعني أنها قد تكون في لحظة إنتشاء قصوى "فعلت بنفسها ما كان يجب أن يفعله بها العريس ليلة الدخلة".
وذكرت الصحيفة التونسية، فإن هذه القضية قد تبدو طريفة، ولكنها في واقع الأمر هي سابقة تستوجب فقه القضاء لحسم تفاصيلها وجزئياتها، باعتبار أن "جريمة المواقعة حصلت بكل تفاصيلها، ولكن من خلال الصوت فقط،أي أنها مواقعة عن بعد، ومع ذلك فإنها ظاهريا موجودة بإعتبار ثبوت مظاهرها(فقدان البكارة)،ولكنها فعليا غير موجودة لانعدام عنصر المباشرة،وعدم توفر أحد أهم أركانها".

باب جزار الحومة و الخنادقي

قال لكموتة العظيم ملك بير الحمراء و وولي عهد الحماري أيها الحكيم حدثني بمثل الذي خالط أصحاب الباع فمشى في الساقين فقال حشيشة ذلك مثل عمار جزار الحومة و هو رجل عملاق قبيح الخلقة له رقبة حلوف و رائحة خروف لا يعرف الدوش و لا الحمام له حانوت كبير و يبيع بالحاضر و من دون تكركير و عندو مالملاين الشيء الكثير و فما سيد خنادقي زوالي و ما عندو والي مشا نهار اعمار قالو عندي مدة ما عملتش كعبات أي تجي معايا نعطيوها حقها قالو أي مشات معاك و مشاو للبار شربو شربو لين ماعادش فيهم عاد جاهم السرفور جابلهم الفاتورة الخنادقي مدها لعمار خزرلو عمار قالو شنوة ناوي بش نخلص عليك ؟ اي تحلم و قام مشى كلم الجيرون وشوشلو في وذنو و خرج أي تلمت الخدامة متاع البار بالخنادقي و نحاولو حوايجو لكل و عملو فيه الي ما يتعملش و عمار الجزار روح شايخ في مخو ما على بالوش بالطقس هذا مثل اللي يطمع و الي يحسب و حدو والي يخدم في مخو

باب الجربوع و اليمامة

قال لكموتة ملك بير الحمراء و قد اشتد به السأم يا حشيشة اني قد ضجرت فاقصص علي حكاية تسليني و تكون فيها عبرة و افادة فصمت حشيشة برهة ثم قال هل علمت بخبر الجربوع و اليمامة ؟ انه في أرض يقال لها بلاد العادي تؤمها الجرابع و قطاطس الخرب هناك جربوع يقال له بيف و كان بيف هذا جربوع لسانو منتن و صاحب مشاكل و مبلبزها مع الملك و صاحب الشرطة و قاضي القضاة عاد قالك صاحب الشرطة و قضي القضاة فدو منو مشاو نهار للملك قالولو شوفلنا حل معاه قام الملك عيط لليمامة قاللها برة معاهم و ريقلو جوو . اي مشاة اليمامة معاهم وراوها الجربوع قالتلهم سيبوني معاه و مشاتلو السلام السلام قاتلو ياخي الملك متاعكم شبيه هكه عامل فيكم هي قالتلو هكاك و الجربوع واد و تسيب بدا يسب في الملك و في عرشو و اماليه و ما خلالو لا بقالو اي اليمامة قيدت الكلام لكل في رابور و هزتو للملك قراه و قال تري تري بيان و عيط لصاحب الشرطة عطاه أمر القاء القبض على بيف . وطلع بيف قفة و كلا الشرمبط لين فد و تحكم ب تلاثة سنين مع النكاح و ناس بكري يقولو لسانك صوانك اذا صنتو صانك واذا خنتو خانك ولي يعمل يعمل ليه ......ّواضح ؟؟؟

PEACE & LOVE

قال لكموتة ملك الفرنجة في الناس مخاطبا الي يلقيلك زنبيلو عبيلو ولي تجيبو ساقيه العصا ليه ولي برجو بالمرمة يموت في سطل بغلي و أحال المصدح الى حشيشة الحكيم الذي قال احنا خاطينا و ماناش متاع مشاكل رانا ناكلو في خبزة و ساعات يهمزنا الشيطان نوليو نعبرو على أفكارنا الي كيف وجوهنا لا تسمن و لا تغني من جوع و بالمناسبة نهني النادي الأفريقي بعد انتصاره على غريمه التقليدي الترجي و نردد ما قالت جماهير باب الجديد : الدنيا فانية و ما تبقى كان اللأفريقي