في خضم الأحتفالات براس العام

لبارح دخلت لحانوت عطرية في حومتنا نلقى جماعة من كبار الحي يحكيو عالريفيون , شديت الصف و عطيت وذني للجماعة . غزر الحداد قال برجولية انا نحتفل براس العام و نعطيه كارو من قطو و قازوز و مشروبات أخرى نطقلوا الحجام قالو يا ولدي خاطينا ماهوش متاعنا ميخرجش علينا احنا مسلمين مناش متاع الريق هذا , هكاك و دخل زبدة فصالة الحومة اي عاد طرحو عليه السؤال جاوبهم و قال انا العام 12 وانا نحتفل كوديا و مورناق اما راس العام نعطيها ويسكس و مشية للماخور . الجماعة تستعوذ و انا شدني الضحك غزرلي العطار و قالي انتي شنو رايك قتلوا احنا احتفلنا بالعيد الصغير و الكبير و الأستقلال و الجلاء و المرأة و الشجرة و الشباب الخ و حد ماعترض جيتو لهذا و لا موش متاعنا ؟ اما انتم تشدوا كان في التفاتف الفارغة دبوزة غاز ب 7000 و المازوط ب 1000 و الأسنس ب 1250 الشهرية تشد جمعة و نص و الباقي كريديات و سرقة و خطفة مشفتوش السرقة و التحيل قداش كثروا و المركز يسكر مالعشية ....الغلطة مش منهم منا احنا لي سكينالهم لين هرسونا اما لي في القلب في القلب و صبرا جميلا عسى أن يأتي 2008 بما هو أفضل لهذه الأرض الطيبة

و كل عام وانتوما حيين بخير