رائحة الصحافة الرخيصة تفوح في البلوغسفير

بعد كل ماأريق من حبر حول موضوع طرد الطالبة من الإمتحان من قبل أستاذة جامعية , الشيء الي ميجدش علي لأسباب بش نذكرها لاحقا , نحب نشير الى حاجة بغض النظر عن صحة الخبر الصحافة الرخيصة اقتحمت البلوغسفير للأسف , صحافة التشويش و التنبيش و التفاتف الفارغة بدأت تنفث سمها في عروق البلوغسفير ,الخبر لقى صدى كبير عند المنادين بالحرية : حرية التعري في هذه الحالة الي هي في حقيقة الأمر يتمتعوا بيها التوانسة لكل و مفما حد ينجم يحرمهم من هذا الحق حتى السلطة بيدها . أنا نشكك في صحة الخبر للأسباب التالية : أنا عديت الأمتحانات في الدورة الرئيسية و دورة المراقبة زادة و شفت زميلاتي من الطالبات المتحجبات منهن و المتعريات بأزياء مختلفة و متنوعة , صحيح الأساتذة و خاصة المتحجبات في بعض الأحيان تحسهم مزدرين من الفتيات هذم لكن عمرو ما تجاوز الأمر الإمتعاظ و تحول إلى هجوم مباشر . حتى الأساتذة الذكور و هذي ملاحظة يمكن البعض باش يلومني عليها إلا أنو المصداقية تقتضي ذلك , يبديو اهتمام كبير بالطالبة الي تعتني بروحها و بمظهرها لدرجة التغافل عن الغش أثناء الإمتحان , هذا انتهاك لحق المساواة واحد يبات يحضر و يكسر في راسو و لاخر يعمل فوسكه وابتسامه عذبه للأستاذ المراقب و بالطبيعة كل ما تتطور الحكاية ترتفع نسبة نجاح هذه الشريحة الي ماهاش كبيرة لكنها موجودة . أما إذا كان الخبر صحيح و ينجم يكون كذلك , فإنها سابقة خطيرة و يلزم الطالبة هذي تتبع عدليا الأستاذة موش خاطر خرجتها مالإمتحان , موش خاطر حشمتها في وسط زملائها بل لأنها تعدات على حريتها , اذا كان واحد يعري كتفو يطردوه من قاعة الإمتحان تقريب القاعة ميقعد فيها حد ؟؟؟هذا رأي شخصي ميلزم حد و نتمنى من المعنيين و يعرفو رواحهم مليح معادش يصطادو في الماء العكر و يحملو ما يمكن أن يكون أخطاء فردية يقوم بيها البعض للإسلام , الإسلام أكبر منكم و منهم و كفى بالله حسيبا